2021-yil 11-12-dekabr kunlari O‘zbekiston Respublikasi Bandlik va mehnat munosabatlari vazirligi xodimlari uchun “Mehnat sohasi istiqboli: bandlik xizmatlari faoliyatidagi yangi yondashuvlar va mehnat bozorining raqamli transformatsiyasi” mavzusida ikki kunlik amaliy seminar tashkil etildi.

Ushbu seminardan ko‘zlangan asosiy maqsad Bandlik va mehnat munosabatlari vazirligi vakillarining salohiyatini oshirish, bandlik xizmatlarini kuchaytirish, mehnat resurslariga talabni rag‘batlantirishning qo‘shimcha vositalarini joriy etish, shuningdek, mehnat bozorini raqamlashtirishdan iborat bo‘ldi.

Vazirlik xodimlarini o‘qitish axborot tizimlari, dasturiy ta’minot va boshqa IT-mahsulotlarni yaratish orqali bandlik va mehnat munosabatlari sohasini raqamlashtirishning zamonaviy mexanizmlari bilan ham tanishish imkonini berdi.

Vazir N.Xusanov ta’kidlab o’tganidak: “Biz BMT TD bilan hamkorlikda ikkita qo‘shma loyihani amalga oshirmoqdamiz, ular doirasida ish o‘rinlarni yaratishni rag‘batlantirish, yoshlar tadbirkorligi va o‘zini o‘zi band qilishni rivojlantirish, shuningdek, bandlikni ta’minlash va ishsizlik darajasini pasaytirish bo’yicha, ayniqsa qishloq hududlarda, eng yaxshi xalqaro amaliyot va tajribani jalb etish bo‘yicha katta ishlar amalga oshirilmoqda”.

BMT Taraqqiyot Dasturining O‘zbekistondagi vakolatxonasida Inklyuziv va barqaror o‘sish klasteri rahbari Diyora Kabulova bu borada shunday deydi: “Bandlik va mehnat munosabatlari vazirligi bilan hamkorlikda joriy yilda “Fargʻona vodiysida pandemiyadan keyingi iqtisodiyotga aholining koʻnikmalarini moslashtirish” loyihasini ishga tushirdik. Bu loyiha doirasida norasmiy band bo‘lgan shaxslarning, qaytib kelayotgan mehnat muhojirlarining va boshqa ijtimoiy zaif qatlamlarning ta'lim olishini ta'minlash hamda eng ko‘p talabga ega ko‘nikmalarga, masalan kelajakda mehnat bozorida talabgor bo‘ladigan kasbiy texnik va raqamli ko‘nikma va malakalarga asosiy e'tiborni qaratish rejalashtirilgan. 

Farg‘ona vodiysida” loyihasi doirasida norasmiy band bo‘lgan shaxslarni, qaytgan mehnat muhojirlarini va aholining boshqa ijtimoiy himoyaga muhtoj qatlamlarini o‘qitish rejalashtirilgan, bunda bizning sa’y-harakatlarimiz talab qilinadigan kasbiy texnik va raqamli ko‘nikma va malakalar kabi eng ko‘p talab qilinadigan ko‘nikmalarga qaratiladi. kelajak mehnat bozori uchun ”.

Ushbu treningda ma’ruzachilar sifatida BMTTD va BMMV trenerlari M.Rahimov, M.Xamidulin va B.Madina kuchli jamoani shakllantirish sirlari bilan o‘rtoqlashdilar, S.Dushamov Agile va Scrum loyihalarini boshqarish metodologiyasi haqida gapirdi, J.Erzakov DevOps imkoniyatlarini ochib berdi, G.Sarimsoqova Mehnat kodeksining zamonaviy vositalari haqida gapirib o’tdi, F.Masharipov yangi tahrirdagi “Aholini ish bilan ta’minlash to‘g‘risida”gi qonun asosida bandlik vositalarini ko‘rsatib berdi. Shuningdek, shaxsiy brendni yaratish va aholi bilan samarali ishlash, moliyaviy menejment, mehnat bozorining avtomatlashtirilgan onlayn monitoringi, mikroservis arxitekturasi, ma’lumotlar bazasini to‘g‘ri loyihalash kabi mavzular ham muhokama qilindi. Seminarning barcha ishtirokchilariga sertifikatlar topshirildi.

Eslatib oʻtamiz, “Fargʻona vodiysida pandemiyadan keyingi iqtisodiyotga aholining koʻnikmalarini moslashtirish” qoʻshma loyihasi Rossiya Federatsiyasi hukumatining moliyaviy koʻmagida Bandlik va mehnat munosabatlari vazirligi hamda BMTTD tomonidan amalga oshirilmoqda.