COVID-19 pandemiyasi davrida Toshkent shahri bo‘yicha 2 809 nafar ishsiz fuqaro vaqtinchalik haq to‘lanadigan jamoat ishlariga jalb etildi.

Ularning 1 ming 400 dan ortig‘i obodonlashtirish ko‘kalamzorlashtirish ishlariga jalb etilgan bo‘lsa, 27 nafar fuqaro karantinga olingan oila va xonadonlarga yordamchi posbon sifatida biriktirilgan.

288 nafar fuqaro dezinfeksiya ishlari bilan band. 207 nafar yurtdoshimiz esa ham savobli, ham daromadli ish - yakka-yolg‘iz qariyalar, nogironligi bo‘lgan va o‘zgalar parvarishiga muhtoj aholini parvarishlash bilan mashg‘ul.

835 nafar fuqaro tumanlarda Ichki ishlar va Milliy gvardiya xizmatlari tomonidan tashkil etilgan blok-postlarda posbon, 12 nafar fuqaro qishloq xo‘jaligi mahsulotlari ko‘chma savdo shoxobchalariga jalb qilingan.

Yana 72 nafar fuqaro Mahalla va oilani qo‘llab-quvvatlash vazirligi, “Yoshlar ittifoqi” bilan hamkorlikda joylarda tashkil etilgan “Xayriya markazlari”da ishlayapti.

Eng muhimi, jamoat ishlariga jalb etilganlarning maoshi har besh kunda to‘lab berilyapti.