Kambag‘allikni qisqartirish va bandlik vazirligi huzuridagi Tashqi mehnat migratsiyasi agentligi xorijiy hamkorlarida mavjud bo‘sh ish o‘rinlariga munosib nomzodlarni tayyorlash maqsadida respublikamizda ro‘yxatdan o‘tgan barcha o‘quv markazlarni hamkorlikka chaqiradi!

− Germaniyada yuk avtomobili haydovchisi, yuk avtomobillariga texnik xizmat ko‘rsatish va ularni boshqarish, hamshiralik, mehmonxona, restoran ishi kabi sohalarda ishlash istagidagi nomzodlarga nemis tilini B1 (dual taʼlim dasturi uchun), B2 (to‘g‘ridan-to‘g‘ri ishga) darajada o‘rgatish;

− Yaponiyada qurilish, ishloq xo‘jaligi, parvarishlash sohalarida ishlash istagidagi nomzodlarga yapon tilini N5, N4 yoki undan yuqori darajada o‘rgatish, sohalar bo‘yicha malaka imtihonlariga tayyorlash;

− Janubiy Koreyada ishlab chiqarish, xizmat ko‘rsatish, kemasozlik kabi sohalarda ishlash istagidagi nomzodlarga koreys tilini TOPIK 3 darajada o‘rgatish;

− Litvada qurilish va yuk avtomobili haydovchisi sohalarida ishlash istagidagi nomzodlarga rus tilini B2 darajada o‘rgatish;

− Bolgariya, Ruminiya, Turkiya, Xorvatiya davlatlarida qurilish, mehmonxona xo‘jaligi, ishlab chiqarish va servis sohalarida rus tilini B1, ingliz tilini B2 darajada o‘rgatish bo‘yicha o‘quv markazlari murojaat qilishi mumkin.

O‘quv markazlar uchun afzalliklar:

Xorijiy ish beruvchi talabnomalari doimiy yangilangan holatda taqdim etib boriladi;
O‘quv markazlarida chet tillarini talab darajasida o‘rgangan nomzodlarning xorijiy davlat ish beruvchilari tanlovlarida ishtiroki taʼminlanadi.

Hamkorlik qilish istagidagi o‘quv markazlaridan bog‘lanish uchun maʼlumotlarni quyidagi elektron pochtaga jo‘natishini so‘raymiz: info@migration.uz

Tashqi mehnat migratsiyasi agentligi xodimi siz bilan bog‘lanadi.