Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги хорижий ҳамкорларида мавжуд бўш иш ўринларига муносиб номзодларни тайёрлаш мақсадида республикамизда рўйхатдан ўтган барча ўқув марказларни ҳамкорликка чақиради!

− Германияда юк автомобили ҳайдовчиси, юк автомобилларига техник хизмат кўрсатиш ва уларни бошқариш, ҳамширалик, меҳмонхона, ресторан иши каби соҳаларда ишлаш истагидаги номзодларга немис тилини Б1 (дуал таълим дастури учун), Б2 (тўғридан-тўғри ишга) даражада ўргатиш;

− Японияда қурилиш, ишлоқ хўжалиги, парваришлаш соҳаларида ишлаш истагидаги номзодларга япон тилини Н5, Н4 ёки ундан юқори даражада ўргатиш, соҳалар бўйича малака имтиҳонларига тайёрлаш;

− Жанубий Кореяда ишлаб чиқариш, хизмат кўрсатиш, кемасозлик каби соҳаларда ишлаш истагидаги номзодларга корейс тилини ТОПИК 3 даражада ўргатиш;

− Литвада қурилиш ва юк автомобили ҳайдовчиси соҳаларида ишлаш истагидаги номзодларга рус тилини Б2 даражада ўргатиш;

− Болгария, Руминия, Туркия, Хорватия давлатларида қурилиш, меҳмонхона хўжалиги, ишлаб чиқариш ва сервис соҳаларида рус тилини Б1, инглиз тилини Б2 даражада ўргатиш бўйича ўқув марказлари мурожаат қилиши мумкин.

Ўқув марказлар учун афзалликлар:

Хорижий иш берувчи талабномалари доимий янгиланган ҳолатда тақдим этиб борилади;
Ўқув марказларида чет тилларини талаб даражасида ўрганган номзодларнинг хорижий давлат иш берувчилари танловларида иштироки таъминланади.

Ҳамкорлик қилиш истагидаги ўқув марказларидан боғланиш учун маълумотларни қуйидаги электрон почтага жўнатишини сўраймиз: info@migration.uz

Ташқи меҳнат миграцияси агентлиги ходими сиз билан боғланади.