Toshkent shahridagi ishsizlarni kasb-hunarga oʻqitish markazi (KOICA) da “WORLDSKILLS UZBEKISTAN-2023” IV milliy ishchi kasblar chempionatining 2-bosqichi boʻlib oʻtdi. 

Unda Oʻzbekistondagi “Ishga marhamat” monomarkazlari, kasb-hunarga oʻqitish markazlari, KOICA lardan jami 27 nafar ishtirokchi “Payvandlash texnologiyasi”, “Grafik dizayn”, “Mexanik injenering CAD”, “Veb-texnologiyalari” kasblari boʻyicha oʻz mahoratlarini namoyish etdilar. 

Chempionatga hamkor vazirliklar va mahalliy tashkilotlar bilan bir qatorda xorijiy tashkilotlar vakolatxonasi vakillari ham taklif etildi. Birlashgan millatlar tashkilotining Oʻzbekistondagi vakolatxonasi (PROON), YUNESCO ning Oʻzbekistondagi vakolatxonasi, GIZning Oʻzbekistondagi vakolatxonasi, KOICAning Oʻzbekistondagi vakolatxonasidan tashrif buyurgan vakillar shular sirasidan. 

O‘zaro bellashuvda peshqadam bo‘lgan gʻoliblar keyingi bosqichga yo'llanma oldi.