Qoraqalpog‘iston Respublikasining Amudaryo tumanida aprel oyida 682 nafar aholi jamoat ishlariga jalb qilinib, ularning ish haqi to‘lovi uchun Jamoat ishlari jamg‘armasi mablag‘lari hisobidan 498,9 mln so‘m mablag‘ to‘lab berildi. Bandlikka ko‘maklashish davlat jamg‘armasining 111.5 mln so‘m subsidiya mablag‘lari hisobidan 45,3 gektarli kooperativ tashkil etilib, 50 nafar ishsiz fuqaro jalb etildi. 49 ta kam daromadli oilaga yengil tipdagi issiqxona qurishi, shaxsiy va dala tomorqasida ekishga urug‘, ko‘chat va sug‘orish vositalarini xarid qilishi uchun 81,2 mln.so‘m subsidiya mablag‘lari ajratildi.

Shuningdek, tumandagi qator sanoat korxonalarida bo‘lib, ularning faoliyati bilan tanishildi. Korxonalarda aholi bandligini ta'minlash yuzasidan olib borilayotgan ishlar muhokama etildi. Jumladan, band bo‘lmagan aholini haq to‘lanadigan jamaot ishlariga jalb etish, mehnat bozorida talab yuqori bo‘lgan kasblarga o‘qitish masalalari o‘rtaga tashlandi. Bu yerda yana 100 ga yaqin fuqarolarning bandligi ta'minlanishi ko‘zda tutilyotganligi aytildi.