Kun tartibidagi masalalar yuzasidan delegatlarning fikr-mulohazalari tinglandi. Unda mahalla tizimidagi o‘zgarishlar, uning jamiyat hayotidagi o‘rni va obro‘sini oshirish borasidagi tashabbuslar, “mahalla yettiligi”ning faoliyat yo‘nalishlari xususida so‘z bordi.

Prezident farmon va qarorida belgilangan ustuvor vazifalar birma-bir tahlil qilinib, delegatlar mahalla tizimiga oid takliflari, tashabbuslarini bildirdi.

Delegatlar O‘zbekiston mahallalari uyushmasining raisi lavozimiga Quranboyev Qahramon Qo‘chqorovich nomzodini bir ovozdan ma’qulladi.