Bandlik va mehnat munosabatlari vaziri o‘rinbosari B.Umurzaqov boshchiligida Toshket viloyati Yangiyo‘l tumanida “Mahallabay” ishlash tizimi bo'yicha tuman sektor rahbarlari bilan muloqotlar o‘tkazildi.

O‘rganishlar davomida 8 ta og‘ir ijtimoiy ahvoldagi oilalarda istiqomat qilayotgan fuqarolar holidan xabar olinib, ularning bandligiga ko‘maklashish, kasb-hunarga o‘qitish masalalari bo‘yicha amaliy yordam ko‘rsatish topshirig‘i berildi.

Shuningdek, Yangiyo‘l tumanidagi 1 va 2-sonli kasb-hunar maktablarida yaratilgan shart-sharoitlar ko‘zdan kechirilib, ularning yaqin kelajakda amalga oshirishi kutilayotgan rejalari bilan tanishildi hamda kerakli tushuncha va maslahatlar berildi.