Бандлик ва меҳнат муносабатлари вазири ўринбосари Б.Умурзақов бошчилигида Тошкет вилояти Янгийўл туманида “Маҳаллабай” ишлаш тизими бўйича туман сектор раҳбарлари билан мулоқотлар ўтказилди.

Ўрганишлар давомида 8 та оғир ижтимоий аҳволдаги оилаларда истиқомат қилаётган фуқаролар ҳолидан хабар олиниб, уларнинг бандлигига кўмаклашиш, касб-ҳунарга ўқитиш масалалари бўйича амалий ёрдам кўрсатиш топшириғи берилди.

Шунингдек, Янгийўл туманидаги 1 ва 2-сонли касб-ҳунар мактабларида яратилган шарт-шароитлар кўздан кечирилиб, уларнинг яқин келажакда амалга ошириши кутилаётган режалари билан танишилди ҳамда керакли тушунча ва маслаҳатлар берилди.