140 kishiga ishga joylashish bo‘yicha yo‘llanma berildi
12.11.2021
Buxoro shahridagi “Ishga marhamat” monomarkazida band bo‘lmagan fuqarolar uchun viloyat Bandlik bosh boshqarmasi va mas’ul tashkilotlar hamkorligida bo‘sh ish o‘rinlari mehnat yarmarkasi o‘tkazildi.
– Viloyatda ayni kunda 9 ming 502 ta bo‘sh ish o‘rinlari mavjud, – deydi viloyat Bandlik bosh boshqarmasi boshlig‘i o‘rinbosari Suxrob Hamroyev. – Bugungi mehnat yarmarkasida Buxoro va Kogon shaharlari hamda Buxoro va Kogon tumanlaridan 150 ta ish beruvchi korxona hamda tashkilot 500 ta bo‘sh ish o‘rinlari bilan qatnashdi.
