140 кишига ишга жойлашиш бўйича йўлланма берилди
12.11.2021
Бухоро шаҳридаги “Ишга марҳамат” мономарказида банд бўлмаган фуқаролар учун вилоят Бандлик бош бошқармаси ва масъул ташкилотлар ҳамкорлигида бўш иш ўринлари меҳнат ярмаркаси ўтказилди.
– Вилоятда айни кунда 9 минг 502 та бўш иш ўринлари мавжуд, – дейди вилоят Бандлик бош бошқармаси бошлиғи ўринбосари Сухроб Ҳамроев. – Бугунги меҳнат ярмаркасида Бухоро ва Когон шаҳарлари ҳамда Бухоро ва Когон туманларидан 150 та иш берувчи корхона ҳамда ташкилот 500 та бўш иш ўринлари билан қатнашди.
