«Ishga marhamat» monomarkazida Ishchi kasblarni rivojlantirish va ommalashtirish assotsiatsiyasi (WorldSkills Uzbekistan) tomonidan Oʼzbekiston Respublikasi Kambag'allikni qisqartirish va bandlik vazirligi hamkorligi hamda BMTning Taraqqiyot Dasturi homiyligi asosida tashkil etilgan ishchi kasblar boʼyicha «WorldSkills Uzbekistan-2023» chempionati boshlandi.

5 kun davom etadigan musobaqada 17-21 yoshda boʼlgan ishtirokchilar WorldSkillsning 4 ta yoʼnalishi – Go'zallik terapeyasi, Modalar texnologiyasi, Oshpazlik texnologiyasi, Sartaroshlik sanʼati, boʼyicha oʼz mahoratini namoyish etadi.

Chempionat o‘tkaziladigan sana: 2023-yil 23-28-oktabr;

Chempionatning barcha ishtirokchilari kasbiy bilim va koʼnikmalar toʼgʼrisidagi sertifikatlar – SkillsPassportlar oladi va eng mahoratlilari oltin medal bilan taqdirlanadi.

ESLATMA:
 4 ta kasb, 35 nafar ishtirokchi, 39 nafar ekspert.
1. Chempionatda g‘olib bo‘lgan ishtirokchilar 2024-yil 10-15-sentabr kunlari Fransiyaning Liyon shahrida bo‘lib o'tadigan “Worldskills Fransiya-2024” 47-Jahon chempionatida ishtirok etish imkoniyatini qo‘lga kiritadilar;
2. Chempionatda ishtirok etish yoshi: 17 yoshdan 21 yoshgacha;
3. Ushbu chempionatda "WorldSkills Uzbekistan" - Ishchi kasblarni rivojlantirish va ommalashtirish assotsiatsiyasiga a'zo korxona va tashkilotlar xodimlari ishtirok etadilar.