Vazirning birinchi o'rinbosari Erkin Muhitdinov boshchiligida Navoiy viloyati Navbahor tumanida bir qator o'rganish ishlari olib borildi.

Xususan, "Qorajon" mahallasi "Tepa tup" ko'chasida istiqomat qiluvchi 11 nafar fuqarolarga subsidiya asosida 7 qutidan asalari olib berilib, "Asalarichilik drayver" ko'chasi tashkil qilindi.

Shuningdek, "Tepa tup" ko'chasida yashovchi 25 nafar ishsiz xotin-qizlarga hunarmandchilik yo'nalishida savat to'qish bo'yicha kerakli tushunchalar berilib, ushbu hunarga o'qitish jarayonlari boshlandi.