Xabaringiz bor O‘zbekiston Respublikasi Prezidenti Shavkat Mirziyoyev rahbarligida 7- noyabr kuni kengaytirilgan tarzda o‘tkazilgan videoselektor yig‘ilishida “O‘zto‘qimachiliksanoat” uyushmasi, Bandlik va mehnat munosabatlari vazirligi, mahalliy hokimlik organlari bilan birgalikda “joriy yil yakuniga qadar ijtimoiy daftarlarga kirgan aholiga berilayotgan imtiyozlarni 3 oy muddatga saqlab qolish sharti bilan ularni tarmoqning 140 ta korxonalaridagi 35 ming nafar bo‘sh ish o‘rinlariga joylashtirish” bo‘yicha topshiriq berilgan edi. Jizzax shahar "Ishga marhamat" monomarkazida Bandlik bosh boshqarmasi va boshqa tashkilotlar bilan hamkorlikda viloyat hududida faoliyat ko‘rsatayotgan barcha to‘qimachilik va tikuv-trikotaj korxonalari ishtirokida topshiriq ijrosi yuzasidan “Bo‘sh ish o‘rinlari” yarmarkasi o‘tkazildi.