Vazirning birinchi o'rinbosari Erkin Muxitdinov Osiyo taraqqiyot bankining Ijtimoiy sektor departamenti direktori Rie Xiraoka bilan uchrashdi.

Unda ikki tomonlama hamkorlik masalalari muhokama qilindi. Xususan, vazirlik tomonidan aholi bandligiga ko‘maklashish, kasb-hunar o‘rgatish, tashqi mehnat migratsiyasini qo‘llab-quvvatlash borasida amalga oshirilayotgan ishlar haqida ma’lumot berildi, shuningdek, OTB kredit mablag'lari hisobidan moliyalashtirilayotgan “Zamonaviy iqtisodiyot uchun malakalarni rivojlantirish” loyihasining amalga oshirilishi muhokama qilindi.