Вазирлик тарихи

10.10.1991 йил – Меҳнат ва ижтимоий масалалар бўйича Ўзбекистон ССР Давлат қўмитаси Ўзбекистон Республикаси Меҳнат вазирлигига айлантирилди.

1992 йил – Ўзбекистон Халқаро меҳнат ташкилоти аъзолигига қабул қилинди.

14.07.1993 йил – меҳнат муҳожирлари ишлари бўйича Республика агентлиги ташкил этилди.

13.02.2001 йил – Меҳнат вазирлиги ва Ижтимоий таъминот вазирлиги негизида Ўзбекистон Республикаси Меҳнат ва ижтимоий ҳимоя вазирлиги тузилди.   

Вазирликнинг асосий вазифаси сифатида аҳолини ижтимоий ҳимоя қилиш бўйича чора-тадбирлар ишлаб чиқиш ва уларни амалга оширишни назорат қилиш, меҳнатга ҳақ тўлаш соҳасида ягона умумдавлат сиёсатини юритиш, ишсизлар ва уларнинг оила аъзоларини ижтимоий қўллаб-қувватлашни амалга ошириш, ёш Республика тараққиётида ишчи кучидан фойдаланиш бўйича Халқаро меҳнат ташкилоти, бошқа давлатларнинг меҳнат органлари билан алоқаларни йўлга қўйиш ва ривожлантириш белгиланган.

06.04.2001 йил – меҳнат муҳожирлари ишлари бўйича Республика агентлиги Ташқи меҳнат миграцияси масалалари агентлигига айлантирилди.

04.12.2016 йил – Шавкат Мирзиёев Миромонович Ўзбекистон Республикаси Президенти этиб сайлангандан сўнг, меҳнат соҳаси ва бандликни таъминлашда жадал ислоҳотлар, шунингдек, Ўзбекистонда болалар меҳнати ва мажбурий меҳнатга барҳам бериш бўйича амалий чора-тадбирлар бошланди.

07.02.2017 йил – 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси тасдиқланди ва унинг тўртинчи – “Ижтимоий соҳани ривожлантириш” йўналишида қуйидагилар назарда тутилди:

- янги иш ўринларини яратиш ҳамда аҳолининг, энг аввало, ўрта махсус ва олий ўқув муассасалари битирувчилари бандлигини таъминлаш, меҳнат бозори мутаносиблигини ва инфратузилмаси ривожланишини таъминлаш, ишсизлик даражасини камайтириш;

- меҳнатга лаёқатли аҳолининг меҳнат ва тадбиркорлик фаоллигини тўлиқ амалга ошириш учун шароитлар яратиш, иш кучи сифатини яхшилаш, ишга муҳтож шахсларни касбга тайёрлаш, қайта тайёрлаш ва малакасини ошириш тизимини кенгайтириш.

24.05.2017 йил – Ўзбекистон Республикаси Меҳнат ва ижтимоий ҳимоя вазирлиги Бандлик ва меҳнат муносабатлари вазирлигига айлантирилди.

Вазирликнинг асосий вазифаси сифатида янги иш ўринлари ташкил этиш учун давлат буюртмасини ишлаб чиқиш, аҳоли бандлигини таъминлашга доир ҳудудий ва тармоқ дастурларни амалга ошириш, олий ва ўрта махсус, касбий таълим муассасалари битирувчиларини ишга жойлаштиришни таъминлаш бўйича чора-тадбирларни мувофиқлаштириш, кам таъминланган оилаларга нафақаларни ўз вақтида тўлаш ва моддий ёрдам беришни мониторинг қилиш ҳамда бошқалар белгиланди.

27.11.2018 йил – Ўзбекистон Миграция бўйича Халқаро ташкилотга аъзо бўлди.

1991 йилдан бугунги кунгача бўлган вазирлар:

1991 – Алихан Атажанов – Ўзбекистон Республикаси Меҳнат вазири

1995 – Оқилжон Обидов – Ўзбекистон Республикаси Меҳнат вазири

1999 – Шавкатбек Ибрагимов – Ўзбекистон Республикаси Меҳнат вазири

2001 – Оқилжон Обидов – Ўзбекистон Республикаси Меҳнат ва ижтимоий ҳимоя вазири

2006 – Актам Хаитов – Ўзбекистон Республикаси Меҳнат ва ижтимоий ҳимоя вазири

2014 – Азиз Абдухакимов – Ўзбекистон Республикаси Меҳнат ва ижтимоий ҳимоя вазири

2017 – Актам Хаитов – Ўзбекистон Республикаси Бандлик ва меҳнат муносабатлари вазири

12.04.2018 дан Шерзод Давлятович Кудбиев Ўзбекистон Республикаси Бандлик ва меҳнат муносабатлари вазири ҳисобланади.