#Ҳудудлардан_хабарлар_Сирдарё

Хотин-қизлар ўртасидаги ҳуқуқбузарлик ва жиноятларнинг олдини олиш борасида маҳаллий ҳокимликлар, ҳуқуқни муҳофаза қилувчи органлар ва кенг жамоатчилик билан ҳамкорлик 2021-2022 йилларда амалга ошириладиган комплекс сҳора-тадбирлар дастурида Бандлик ва меҳнат муносабатлари вазирлигига ҳам топшириқлар юклатилган.
Тегишли бандлар ижроси юзасидан Сирдарё вилояти Бандлик бош бошқармаси томонидан бир қатор ишлар амалга оширилди.

2021йилнинг январ-август ойлари давомида жазони ижро этиш муассасаларидан 6 нафар хотин-қизлар озод этилган. Шундан 3 нафари АБКМ томонидан корхона ва ташкилотларда мавжуд бўш иш ўринларига, 2 нафари ҳақ тўланадиган жамоат ишларига, 1 нафари ўз хоҳиши билан ишлаш истагини рад этди.

______________________________________________________________________________________________________________

#Ҳудудлардан_хабарлар_Бухоро

Юқоридаги чора- тадбирлар дастури ижроси юзасидан маҳаллаларда ҳуқуқбузарликлар содир этишга мойил ёки содир этган, ички ишлар органлари профилактик ҳисобида турган, оила-турмуш, ахлоқ-одоб доирасида мунтазам равишда ҳуқуқбузарликлар содир этувчи ва бошка ғайриижтимоий хулқ-атворга эга булган хотин-қизлар тўғрисида маълумотлар шакллантирилиб, иш билан банд бўлмаган хотин-қизлар билан якка тартибда иш олиб борилди.

2021-йил 7 ойида марказлар томонидан жазо муассасаларидан озод қилинган 3 нафар хотин-қизлар рўйхатга олинган. Улардан бир нафари кейинчалик Тошкент шаҳрига кучиб кетган, 2 нафари норасмий тарзда меҳнат фаолиятини бошлаган. Норасмий ишлаётган хотин-қизларга меҳнат муносабатларини қонуний расмийлаштиришлари, тадбиркорлик фаолиятларини давом эттиришлари учун имтиёзли кредит маблағларидан фойдаланишлари тўғрисида маслаҳатлар берилди.

Шунингдек, Наркология диспансери рўйхатидаги хотин-қизлар бандлигини таъминлаш назоратга олинган. У ерда 2 нафар аёл бўлиб, 1 нафари давлат корхонасида, 1 нафари норасмий меҳнат фаолияти билан банд.