Ижтимоий тармоқларда Қашқадарё вилояти Нишон туманида истиқомат қилувчи фуқаро Нишон тумани аҳоли бандлигига кўмаклашиш маркази ходимлари устидан арз қилган видеотасвирлар тарқалди.

Мазкур ҳолат вазирлик томонидан ўрганиб чиқилди.

Аниқланишича, фуқаро У.Чоршанбиев 5 апрель куни соат 13.00 атрофида Нишон тумани АБКМга борган. Унга айни дамда тушлик экани, бироздан кейин хизмат кўрсатилиши айтилганига қарамай, ортиқча кутишни истамай марказ биносини видеотасвирга тушириб, унга ҳеч ким эътибор қилмаётгани қабилида ижтимоий тармоқларда тарқатган.

10 апрель куни АБКМга такроран мурожаат қилган. Айни дамда У.Чоршанбиев ҳамда унинг турмуш ўртоғи АБКМ томонидан карантин ва чеклов тадбирлари давомида ҳақ тўланадиган жамоат ишларига жалб қилинган.