Президент Шавкат Мирзиёев аҳолининг яшаш шароитлари, қишга тайёргарлик ва ободончилик ишларини кўриш мақсадида 12-декабр куни Тошкент шаҳридаги маҳаллаларда бўлди.

Давлат раҳбари Тошкент шаҳри ва Учтепа тумани мутасаддилари билан мулоқот қилди. Маҳаллалардаги янги “еттилик” тизими фаолиятини самарали йўлга қўйиш, ижтимоий масалаларни аҳоли талаби асосида жойларнинг ўзида ҳал этиб, одамларни рози қилиш зарурлигини таъкидлади.

Шунингдек, иссиқлик марказлари ва тармоқлардаги мавжуд муаммоларни тезкор бартараф этиш, бино ва хонадонларга иссиқликни таъминлаш долзарб вазифа эканлиги қайд этилди.