Олий Мажлис Сенатининг олтинчи ялпи мажлисида мамлакатда аҳоли бандлигига оид давлат сиёсатининг самарадорлигини кўрсатувчи омил – бу статистика эканлиги, демак айнан статистика меҳнат бозорини кузатиш, таҳлил ва прогноз қилиш имконини бериши айтиб ўтилди. 

Меҳнат статистикаси миллий тизимини халқаро стандартларга мувофиқлаштириш лозимлиги таъкидланди. 

Шунингдек, меҳнат бозорида замонавий инфратузилма ва институционал муҳитни яратиш, меҳнат органлари томонидан кўрсатилаётган хизматлар кўламини кенгайтириш, шахсларнинг тадбиркорлик ташаббуслари ва ўзини ўзи банд қилишга жалб этиш имкониятлари ҳам муҳокама қилинди.
Шу боис ҳам Халқаро Меҳнат Ташкилотининг “Меҳнат статистикаси тўғрисида”ги 160-сонли Конвенциясини ратификация қилиш чораларини кўриб чиқишга урғу берилди.