Қорақалпоғистон Республикаси Нукус шаҳридаги собиқ Нукус коммунал-хўжалиги ва хизмат кўрсатиш касб-ҳунар коллежи биносининг бир қисмида “Ишга марҳамат” мономаркази ташкил этилди.

Мономарказ очилишида Қорақалпоғистон Республикаси Вазирлар Кенгаши Раиси Қаҳрамон Сариев, Ўзбекистон Республикаси Бандлик ва меҳнат муносабатлари вазири Нозим Хусанов, Олий Мажлис Сенати аъзолари Борий Aлиханов ва Неиля Сеитовалар иштирок этишди.

Очилиш маросимида Нозим Хусанов сўзга чиқиб, "Бундай марказларни ташкил қилишдан кўзланган асосий мақсадимиз- нафақат ишсиз фуқароларни касб-ҳунарга ўқитиб, сертификат бериш, балки уларни меҳнат бозорида рақобатбардош касбни ўзлаштирган, юқори малакали мутахассис сифатида етиштиришдир", - дея таъкидлади.

Меҳмонлар учун Мономарказ бўйлаб экскурсия уюштирилди.

Маълумот ўрнида: мазкур марказда ишсиз, банд бўлмаган аҳолини 4 та йўналиш бўйича 19 та касб-ҳунарга ва 3 та хорижий тилларда ўқитиш ташкил этилди.

Жумладан,

Сервис ва хизмат кўрсатиш соҳаси бўйича; (9 та касб)
- Нейл-стилист;

- Косметолог;

- Aёллар сартароши+визажист;

- Эркаклар сартароши;

- Тикувчи (дизайнер+моделер, бичувчи, тикувчи);

- Кейтринг хизмати (ошпаз);

- Кейтринг хизмати (қандолатчи, сервис хизмати);

- Уқаловчи (болалар учун);

- Батлер-офисиант.

Техник соҳаси бўйича; (5 та касб)
- Сантехник;

- Электрик;

- Маиший уй рўзғор электротехник буюмларни таъмирлаш устаси;

- Пайвандловчи (электр, газ алангасида, яримавтомат (кемпи), аргон);

- Юк кўтарувчи кран оператори.

Қишлоқ хўжалиги соҳаси бўйича; (2 та касб)
- Иссиқхона (монтаж+технология);

- Гидропоника технологияси.

Умумий қурилиш соҳаси бўйича.
- Гипсокартонга ишлов бериш;

- Ғишт терувчи;

- Сувоқчи ва буёқчи.

Хорижий тиллар бўйича.
- Рус тили;

- Инглиз тили;

- Корейс тили.