Айни пайтда Юнусобод туманида жойлашган "Кунлик ишчилар маркази" очилиш маросимига тайёргарлик жараёни қизғин кетмоқда.

Марказ биноси кунлик ишлайдиганлар учун мўлжалланган бўлиб, унда зарур шарт-шароитлар яратилган. Хусусан, бинони ёзда салқин, қишда иссиқ сақловчи воситалар, арзонлаштирилган овқатланиш шохобчаси, асбоб-ускуналарни ижарага бериш тизими, меҳнат муҳофазаси ҳақида тушунча берувчи кўргазмали қуроллар, маданий хордиқ чиқариш учун имкониятлар (кутубхонаси, шахмат-шашка тахталари) йўлга қўйилган.