Икки томонлама ҳамкорлик алоқаларини янада ривожлантириш масалаларини муҳокама қилиш мақсадида 23 октябрь Бангладеш Халқ Республикасининг Ўзбекистондаги фавқулодда ва мухтор элчиси Мосуд Маннан Ўзбекистон Республикаси Бандлик ва меҳнат муносабатлари вазирлигига ташриф буюрди.

Бангладеш элчиси ва элчи маслаҳатчиси Нрипендра Чадра Дебна билан Бандлик ва меҳнат муносабатлари вазирининг биринчи ўринбосари Эркин Мухитдинов бошчилигидаги вазирлик масъуллари учрашди.

Учрашув давомида томонлар меҳнат соҳасида ҳамкорлик алоқаларини янада мустаҳкамлаш ва бу борада истиқболли лойиҳаларни амалга ошириш хусусида фикр алмашди.