2019 йилнинг 5 декабрь куни Бандлик ва меҳнат муносабатлари вазирлиги Ўзбекистон Фермер, деҳқон хўжаликлари ва томорқа ер эгалари кенгаши, Наманган вилояти ва Поп туман ҳокимлиги билан бирга Наманган вилоятининг Поп туманида қишлоқ хўжалик кооперативлари фаолиятини ташкил этиш бўйича водий семинарини ўтказди.

Семинарда “Поп ёнғоқзори”, “Чоркесар эчкичилик класстери” кооперативларини ташкил этиш борасида амалга оширилган ишлар ва ушбу йўналишдаги истиқболли режалар тақдимоти, шунингдек, кооперативлар фаолияти ва қишлоқ хўжалиги билан боғлиқ кўргазмалар ташкил этилди.

Ҳозирда Андижон, Наманган, Фарғона ва Сурхондарё вилоятларида ташкил этилган 32 та кооперативга 514,3 гектар ер ажратиш тўғрисида туман ҳокимларининг қарорлари қабул қилинган.