#Ҳудудлардан_янгиликлар

#Навоий

#Бандлик

Навоий вилояти Нурота туманида коронавирус пандемияси тарқалишига қарши курашиш бўйича карантин тадбирлари давомида ишсиз аҳоли, чет элга ишга кета олмаган ва хориждан қайтиб келган фуқаролар, шунингдек, вақтинчалик ишсиз қолган ишчилар бандлигини таъминлаш мақсадида қатор лойиҳалар амалга ошириляпти.

Бандлик ва меҳнат муносабатлари вазири биринчи ўринбосари Эркин Мухитдинов мазкур фаолиятнинг боришини ўрганиш мақсадида туманнинг “Чашма” меъморий мажмуасига борди. Бу ерда ҳақ тўланадиган жамоат ишларига жалб қилинган фуқаролар билан учрашиб, уларнинг иши билан танишиб, суҳбат ўтказди.

Ўрганишларнинг навбатдаги манзили "Жарма" МФЙ бўлди. Бу ерда ишсиз ва кам таъминланган аҳоли учун ишлаб чиқариш кооперативлари қурилган бўлиб, шу орқали 40 нафар фуқаро бандлиги таъминланган.

Шунингдек, жамоатчилик назорати марказларига навбатчилик ўташ, шу жумладан, карантинга олинган фуқароларни назорат қилиш мақсадида тумандаги 16 нафар ишсиз ва банд бўлмаган фуқаролар ҳақ тўланадиган жамоат ишига жалб этилди.

Туманда ўзгалар парваришига муҳтож кексалар, 1 ва 2 гуруҳ ногиронлари, сурункали касалликларга эга бўлган 34 нафар фуқаролар аниқланиб, уларга туман тиббиёт бирлашмасидан қисқартиришга тушган ва иш қидирувчи сифатида рўйхатда турган ҳамширалар бириктирилиб, ҳақ тўланадиган жамоат ишларига жалб этилди.

Туманда Ички ишлар бўлими билан ҳамкорликда карантин сабабли ташкил этилган 4 та блок-постларга ёрдамчи посбон сифатида 16 нафар ишсиз фуқаролар жалб этилди.

Туман ободонлаштириш бўлими билан ҳақ тўланадиган жамоат ишларини ташкил этиш мақсадида буюртмалар қабул қилиниб, 153 млн. сўмлик шартномалар имзоланди. Бунда, тумандаги ҳар бир секторга 50 нафардан жами 200 нафар ишсиз ва банд бўлмаган фуқаролар ҳақ тўланадиган жамоат ишларига жалб этилди.

Карантин чоралари даврида вирусга қарши дезинфекция тадбирлари учун туман санитария эпидемиологик осойишталик маркази билан 114 млн.сўмлик шартномалар имзоланди, ҳамда 128 нафар фуқаро санитария эпидемиологик осойишталик марказига ҳақ тўланадиган жамоат ишларига йўлланма орқали юборилди.

Тумандаги 4 та сектор ҳудудида озиқ-овқат ва ноозиқ-овқат маҳсулотларининг кўчма савдосини ташкил этиш учун 4 нафар кўнгилли тадбиркорлар билан шартнома имзоланиб, 16 нафар фуқаро жамоат ишларига жалб этилди.

Туманда 600 га яқин фуқаро бандлиги таъминланди.

Вазирликнинг расмий саҳифалари

Facebook

Instagram 

Telegram