Вазирлик хабар қилади!

08.07.2019

   Ўзбекистон Республикаси Бандлик ва меҳнат муносабатлари вазирлиги “Бандликка рухсат бериш тизимининг Корея Республикасига ишчиларни жўнатиш бўйича келишув меморандуми” доирасида билимни баҳолаш марказларида ўтказилган дастлабки саралаш имтиҳонларидан ўтган номзодларнинг динамик рейтинг асосида рўйхатга олиниши 2019 йил 5 июль куни тўхтатилганлигини маълум қилади.

  Динамик рейтинг асосида рўйхатга жами 4003 нафар номзод реестрга киритилди (http://test.mehnat.uz/).

   2019 йил 15 июлга қадар динамик рейтинг асосида рўйхатга киритилган номзодларнинг корейс тилини билиш даражаси назорат тартибда текширилади вa EPS Topic имтиҳонига киритилган 2500 нафар фуқаро рўйхати эълон қилинади.

   Асосланмаган ва нотўғри хабарларнинг олдини олиш мақсадида фақат Бандлик ва меҳнат муносабатлари вазирлигининг расмий  сайтида эълон қилинган ахборотлардан фойдаланиш сўралади.

Ўзбекистон Республикаси Бандлик ва меҳнат 
муносабатлари вазирлиги матбуот хизмати