Корея Республикасида ишга жойлашиш истагида бўлган Ўзбекистон фуқаролари учун EPS-TOPIK имтиҳонларини ташкил этиш босқичларига мувофиқ, Бандлик ва меҳнат муносабатлари вазирлигининг test.mehnat.uz порталида кўрсатилган миллий реестрдаги динамик рўйхатга номзодларни қўшиш жорий йилнинг 15 июль куни тўхтатилди.

Эслатиб ўтамиз, динамик рўйхатга киритилган номзодлар орасида энг кўп балл тўплаган 2500 нафар шахс EPS-TOPIC имтиҳонларини топширади.

Ўзбекистон Республикаси Бандлик ва меҳнат муносабатлари вазирлиги ва Корея Республикаси Меҳнат ва бандлик вазирлиги ўртасида тузилган “Бандликка рухсат бериш тизими бўйича ишчи кучини Корея Республикасига юбориш тўғрисида”ги Меморандумга мувофиқ, 2019 йил учун мўлжалланган корейс тилидан EPS-TOPIK тест имтиҳони 2019 йил 2 сентябрь кунидан 2019 йил 10 октябргача бўлиб ўтишини маълум қиламиз.

Шу муносабат билан, Бандлик ва меҳнат муносабатлари вазирлиги test.mehnat.uz порталида кўрсатилган миллий реестрдаги динамик рўйхатга янги номзодларни киритиш корейс тилидан EPS-TOPIK тест имтиҳони олиш ва натижаларни эълон қилиш якунигача тўхтатилганлигини маълум қилади.